Informatë rreth cilësisë së ujit

Loader Loading...
EAD Logo Taking too long?

Reload Reload document
| Open Open in new tab
Pas defektit në gypin kryesor fi 1100 dhe pas rikthimit të furnizimit me ujë, ekipet e Laboratorit të akredituar të KRU “Gjakova”, intensivisht janë angazhuar në monitorimin dhe kontrollimin e cilësisë së ujit të pijshëm nëpër pika të ndryshme mostrimi.
Është vërejtur një shqetësim tek konsumatorët lidhur me prezencën e fluskave të ajrit që ujit vizualisht i jep një pamje të turbullirës së bardhë, por ne garantojmë që nuk ka vend për shqetësim,vlerat e turbullirës sillen brenda kuotave normale, por prezenca e fluskave të ajrit nëpër gypa bëhet gjithmonë pas rikthimit të furnizimit për shkak të presionit të qarkullimit të ujit.
Gjatë 24 orëve bëhet kontrollimi i kualitetit të ujit bazuar në Standardet cilësore aplikative (U.A 16/2012) dhe ato Evropiane (Udhëzimi – Direktiva 98/83/EC) mbi kualitetin e ujit për përdorim nga njerëzit.
Kontrollat ditore bazike dhe periodike të parametrave fiziko-kimik dhe bakteriologjik, bëjnë që uji i pijshëm të jetë i sigurtë 100% për konsum nga njeriu.
Me fjal të tjera ndjehuni të sigurtë në konsumimin e ujit për pije i cili është jashtëzakonisht cilësor.
KRU “Gjakova”sh.a.
11.06.2021.